Qashqadaryo viloyatining Yakkabog‘ tumanida voyaga yetmagan qiz to‘rt nafar yigit tomonidan zo‘rlangani aniqlandi. IIV matbuot kotibi Shohrux G‘iyosov “Nemolchi.uz” so‘roviga javoban holat sodir bo‘lganini tasdiqladi.
Ma’lum qilishicha, 2026 yil 7 iyun kuni Yakkabog‘ tumanida 23, 22, 21 va 20 yoshli to‘rt nafar yigit 14 yoshli qizni Damas’ga mindirib, dalaga olib borib, zo‘rlagan. Voqea joyi Yakkabog‘ tumani IIB huzuridagi tergov-tezkor guruhi tomonidan ko‘zdan kechirilib, ish uchun ahamiyatli bo‘lgan ashyo va dalillar olib qo‘yilgan. Shuningdek, sudga oid tibbiy, biologik hamda psixologik ekspertizalar tayinlangan.
Bolalar ombudsmaniga ko‘ra, ekspertizadan so‘ng, gumonlanuvchilarga nisbatan qo‘zg‘atilgan jinoyat ishi og‘irroq — JKning (118) “O‘n sakkiz yoshga to‘lmagan shaxsning nomusiga tegish” moddasi bilan qayta malakalangan va ular qamoqqa olingan.
Hozirda jabrlanuvchiga psixologik hamda yuridik yordam ko‘rsatilmoqda.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Rossiyada migrantlarni deportasiya qilish uchun asoslar kengaytirildi
