Qamal ostidagi G‘azo: oziq-ovqat va dori-darmonsiz 11 kun

Isroilning G‘azo elektr ta’minotini uzishi va yordam blokadasi davom etmoqda; Qatar muzokaralarga mezbonlik qilmoqda.

Isroilning G‘azo sektorini to‘liq qamal qilishi 11-kundan beri davom etmoqda, hududga oziq-ovqat, yoqilg‘i yoki dori-darmonlar kiritilishiga ruxsat berilmayapti.

Isroilning halokatli hujumlari davom etayotgan bir paytda, HAMAS "yangi muzokaralar bosqichi boshlangani"ni e’lon qildi. Muzokaralar uchun AQShning maxsus vakili Stiv Vitkoff ham Qatarga yetib keldi.

G‘azoda ushlab turilgan ba’zi isroillik asirlarning oilalari bosh vazir Binyamin Netanyaxudan G‘azoga elektr energiyasi yetkazib berishni tiklashni so‘radi, deb xabar qilmoqda Isroil ommaviy axborot vositalari.

G‘azo Sog‘liqni saqlash vazirligi Isroilning G‘azoga qarshi urushida kamida 48 515 falastinlik halok bo‘lgani va 111 941 nafari yaralanganini tasdiqladi. G‘azo hukumatining Matbuot xizmati vayronalar ostida bedarak yo‘qolgan minglab falastinliklar o‘lgan deb taxmin qilinayotganini aytib, qurbonlar sonini 61 700 dan ortiq kishiga yetganini ma’lum qildi.