Putin Pokistonda yo‘lovchi poyezdiga qilingan hujumga munosabat bildirdi

Rossiya prezidenti Vladimir Putin Pokistonda yo‘lovchi poyezdiga qilingan hujumni qoraladi.

"Qurbonlari orasida ko‘plab ayollar va bolalar bo‘lgan bu shafqatsiz va surbetlarcha jinoyatni qat’iy qoralaymiz. Pokiston harbiylari va huquq-tartibot idoralari xodimlarining jasorati va yuqori professionalligini e’tirof etamiz," - dedi u Pokiston bosh vaziriga yo‘llagan telegrammasida.

Davlat rahbari terrorchilar hujumining fojiali oqibatlari munosabati bilan hamdardlik bildirdi va halok bo‘lganlarning oilalariga dalda so‘zlarini yetkazishni so‘radi.