«PSJ» Saloh bo‘yicha qaror qabul qildi

OAV ma’lumotlariga ko‘ra, «PSJ» rahbariyati «Liverpul»ning misrlik vingeri Muhammad Saloh bilan shartnoma imzolashdan voz kechishga qaror qildi.

Manbalarning xabar berishicha, parijliklar yulduz futbolchining nomzodiga bo‘lgan qiziqishini yo‘qotgan. Shuningdek, Saloh «Liverpul» bilan shartnomani uzaytirishga moyil ekani ta’kidlanmoqda.

Joriy mavsumda Muhammad Saloh «Liverpul» safida 41 ta o‘yin o‘tkazib, 32 ta gol urdi va 22 ta golli uzatmani amalga oshirdi. Uning klub bilan shartnomasi 2025 yil 30 iyunga qadar davom etadi. Transfermarkt futbolchini 55 million yevro etib baholamoqda.