Fransiya terma jamoasi sobiq yarim himoyachisi Yuriy Jorkayeff Portugaliya terma jamoasi futbolchilarini jahon chempionati davomida bor mas’uliyatni Krishtianu Ronalduning zimmasiga yuklab qo‘yishga uringanlikda tanqid qildi.
Jorkayeffning fikricha, jamoaning boshqa yulduzlari kerakli paytda tashabbusni o‘z qo‘llariga ola bilishmagan.
"Bu Portugaliya terma jamoasida, ularning butun iqtidoriga qaramay, menga yoqmagan jihat — hamma go‘yoki mas’uliyatni Krishtianuga ag‘darishga harakat qilgani bo‘ldi. Qaysidir pallada Vitinya, Brunu Fernandesh va boshqalar ham mas’uliyatni o‘z zimmalariga olishlari kerak edi. Krishtianu hamma narsani bir o‘zi bajarishini kutib o‘tirish yaramaydi. U o‘yin taqdirini hal qilishi kerak bo‘lgan yagona futbolchi emas. Agar siz Krishtianu Ronalduni tarkibga oldingizmi, jamoa Krishtianu Ronaldu uchun o‘ynashi kerak, ammo bu yerda umuman bunday bo‘lmadi. Unga o‘z jamoasi boykot e’lon qilgani yaqqol ko‘rinib turdi. Unga uzatmalar berishmadi va u uchun eng yaxshi sharoitlarni yaratib berishmadi", — deya ma’lum qildi Jorkayeff.
Eslatib o‘tamiz, JCH-2026da Krishtianu Ronaldu Portugaliya terma jamoasi safida beshta o‘yinda maydonga tushib, 3 ta gol urishga muvaffaq bo‘ldi. Portugaliyaliklar musobaqaning 1/8 final bosqichida Ispaniya terma jamoasiga 0:1 hisobida imkoniyatni boy berib, turnirni tark etgan edi.
Lamin Yamal finaldan keyin mukofot pullarini qabul qilib oldi
Shaxmatchi Polgar Vengriya prezidenti lavozimini egallashdan bosh tortdi
JCH-2026 o‘yinlari kelishilgan bo‘lishi mumkin
