AQSh prezidenti Donald Trampning Pokiston-Hindiston mojarosini hal qilish borasidagi sa’y-harakatlari Janubiy Osiyoda keng ko‘lamli urushning oldini olishga yordam berdi.
Bu haqda Pokiston bosh vaziri Shahboz Sharif BMT Bosh Assambleyasining 80-sessiyasida so‘zlagan nutqida ma’lum qildi.
"Biz Donald Tramp va uning jamoasiga o‘t ochishni to‘xtatish kelishuviga erishishdagi faol roli uchun chuqur minnatdorchiligimizni bildiramiz. Prezident Trampning tinchlik o‘rnatish borasidagi sa’y-harakatlari Janubiy Osiyoda urushning oldini olishga yordam berdi. Agar u zudlik bilan va qat’iy aralashmaganida, keng ko‘lamli urushning oqibatlari halokatli bo‘lar edi", - dedi Sharif.
Pokiston bosh vaziri, shuningdek, Islomobod "barcha hal bo‘lmagan masalalar bo‘yicha Hindiston bilan keng qamrovli, inklyuziv va natijaga yo‘naltirilgan muloqotga tayyor"ligini ta’kidladi.
Diqqat! “Super” kontrakt bekor qilindi
Xitoyda elektrning ko‘pligi muammoga aylandi
Toshkent viloyatida poyezd relsdan chiqib ketdi
