Associated Press xabariga ko‘ra, Pokiston yaqin kunlarda, o‘t ochishni to‘xtatish rejimi yakunlangunga qadar Islomobodda Vashington va Tehron o‘rtasidagi muzokaralarning ikkinchi raundini o‘tkazishni taklif etgan.
Matbuot bilan gaplashish vakolatiga ega bo‘lmagani uchun ismi sir qolishini istagan mulozimlarning so‘zlariga ko‘ra, bu taklif tomonlarning boshqa joyni tanlash yoki tanlamasligiga bog‘liq bo‘ladi. Mulozimlardan biri birinchi raund kelishuvsiz yakunlanganiga qaramay, bu bir martalik tadbir emas, balki davom etayotgan diplomatik jarayonning bir qismi ekanini ta’kidladi.
Oq uy yangi muzokaralar ko‘rib chiqilayotgani haqidagi savollarga to‘g‘ridan-to‘g‘ri javob bermadi.
"Prezident Tramp, vise-prezident Vens va muzokaralar guruhi AQShning "qizil chiziqlari"ni juda aniq belgilab bergan. Eronliklarning kelishuvga bo‘lgan umidsiz intilishi prezident Tramp tomonidan joriy etilgan o‘ta samarali harbiy-dengiz blokadasi tufayli yanada kuchayadi", — dedi Oq uy matbuot kotibi Kerolayn Livitt.
Tehronda Oliy rahbar vafoti munosabati bilan katta motam marosimi bo‘lib o‘tmoqda
Javohir Sindarov va ijtimoiy tarmoqlarni portlatgan surat
Uganda prezidentining o‘g‘li Turkiyadan 1 mlrd dollar va eng go‘zal qizni talab qilmoqda
