Pentagon AQSh Harbiy-havo kuchlarining sobiq rahbarini maxfiy ma’lumotlar sizib chiqishi sababli xavfsizlik ruxsatnomasidan mahrum qildi

Pentagon AQSh prezidenti Donald Trampga Qatar qirollik oilasi tomonidan sovg‘a qilingan samolyotning xususiyatlari haqidagi ommaviy axborot vositalarida tarqalib ketganidan so‘ng, AQShning sobiq havo kuchlari kotibi Frenk Kendallni xavfsizlik ruxsatnomasi va maxfiy lavozimlarni egallash imkoniyatidan mahrum qildi.

Pentagonning jamoatchilik bilan aloqalar bo‘yicha yordamchi kotibi Shon Parnell bu haqda ijtimoiy tarmoq sahifasida e’lon qildi.

"Pentagon darhol sobiq havo kuchlari kotibi Frenk Kendallni xavfsizlik ruxsatnomasi va har qanday maxfiy lavozimlarni egallash imkoniyatidan mahrum qilmoqda", deb yozgan u.

Parnellning so‘zlariga ko‘ra, bu qaror "prezident samolyotining xususiyatlariga oid maxfiy ma’lumotlarning ommaviy axborot vositalariga ruxsasiz oshkor qilinishi" bilan bog‘liq.

Kendall 2021 yildan 2025 yilgacha Jo Bayden ma’muriyatida AQSh havo kuchlari kotibi bo‘lib ishlagan.