Davlatlar uning oldini olish uchun yetarli choralar ko‘rmayapti. deya fikr bildirdi Serbiya prezidenti
Aleksandr Vuchich bunday fikrni Axel Springer media konserni boshqaruvi raisi Matias Dyopfner podkastida bildirdi.
"Menimcha, biz katta urush yoqasida turibmiz. Shu sababli kimdir buning oldini olish uchun allaqachon choralar ko‘rgan bo‘ladi, deb umid qilgandim. Ammo bunday bo‘lmadi va yaqin orada ham bo‘lmaydi. Demak, biz bundan ancha jiddiyroq narsaning ostonasida turibmiz. Besh yildan keyin yangi dunyo tartibining shakllari bugungidan ham vayronkor vositalar orqali belgilanadi", — dedi Serbiya prezidenti.
Vuchichning fikricha, kelgusi besh yil ichida yetakchi davlatlar ko‘proq mustaqillikka va tashqi qaramlikni kamaytirishga intiladi.
Uning so‘zlariga ko‘ra, dunyoda ikkita asosiy kuch markazi — AQSh va Xitoy saqlanib qoladi. Uchinchi kuch markazi Yevropa Ittifoqi bo‘lishi kerak, biroq Vuchich Yevropaning bu maqomni egallay olishiga ishonchi komil emasligini aytdi.
To‘rtinchi ustun esa Rossiya, Hindiston va boshqa yirik mintaqaviy davlatlar bo‘ladi. Bundan tashqari, Vuchich Turkiya, Pokiston va Saudiya Arabistoni o‘rtasida yangi ittifoq shakllanayotganini ta’kidladi.
Serbiya prezidenti Yevropa va Rossiya o‘rtasidagi munosabatlarni ham tilga oldi. Uning fikricha, Yevropa hozir Rossiya bilan “gibrid urush” holatida.
"Siz Ukrainani qurollantirdingiz, Rossiyaga qarshi sanksiyalar joriy qildingiz. Shu bilan birga, Ukrainaga moliyaviy yordam ko‘rsatdingiz. Bu Rossiyaga qarshi gibrid urush bo‘lmasa, nima?", — dedi Vuchich.
Ilon Mask Ukrainaga Rossiyaning ichkarisiga zarba berish uchun Starlink taqdim etishdan bosh tortdi
Olimlar Yer aholisi sonini bosqichma-bosqich kamaytirish g‘oyasini ilgari surdi
Yaponiya aholisini jadal sur’atda yo‘qotmoqda
