Ozarbayjon “Ozarbayjon havo yo‘llari” avialayneri halokati bo‘yicha xalqaro sudlarga hujjatlar tayyorlamoqda

Ozarbayjon Prezidenti Ilhom Aliyev ma’lum qilishicha, mamlakat “Ozarbayjon havo yo‘llari” samolyoti halokati bo‘yicha xalqaro sudlarga murojaat qilish uchun hujjatlar tayyorlamoqda. Unga ko‘ra, Boku 7 oy ichida Rossiyadan “hech qanday aniq javob” olmagan.

“Biz nima sodir bo‘lganini bilamiz va buni isbotlay olamiz. Biz bilamizki, Rossiya rasmiylari ham nima bo‘lganidan xabardor. Savol shundaki, nega ular shunday vaziyatda har qanday qo‘shni davlat qilgan ishni qilmayapti?” — dedi Aliyev.

Aliyev aybdorlarni tan olish, jazolash, halok bo‘lganlar oilalariga kompensasiya to‘lash va aviakompaniya ko‘rgan zararlarni qoplashni talab qildi. Uning ta’kidlashicha, Ozarbayjon qancha kerak bo‘lsa, shuncha kutadi.