Osiyo kubogi U-17. O‘zbekiston mezbon Saudiyani yirik hisobda taslim qildi va guruhni peshqadam sifatida yakunladi

Futbol bo‘yicha 17 yoshlilar o‘rtasida Osiyo Kubogi doirasidagi 3-tur uchrashuvlari 9 aprel, chorshanba kuni o‘tkazildi.

Uchrashuvning birinchi bo‘limida hisob ochilmadi. Ikkinchi bo‘lim avvalida esa musobaqa mezbonlari darvozasi tomon penalti belgilandi. Ushbu vaziyatni Jamshidbek Rustamov aniq ijro etib, hisobni ochdi.

Oradan 6 daqiqa o‘tar-o‘tmas Asilbek Aliyev hisobni ikkitaga oshirdi. 70-daqiqaga kelib esa Jamshidbek Rustamov dubl qayd etib, jamoasining g‘alabasini ta’minladi.

Shunday qilib, o‘zbekistonlik yoshlar ushbu g‘alaba bilan Osiyo chempionati “A” guruhida 9 ochko bilan peshqadamlikni qo‘lga kiritib, chorak finalga yo‘l oldi.

U-17 Osiyo chempionati

3-tur

9 aprel, chorshanba

Saudiya Arabistoni — O‘zbekiston 0:3

Gollar: 0:1 — 57, Jamshidbek Rustamov, 0:2 — 63, Asilbek Aliyev, 0:3 — 70, Jamshidbek Rustamov.