The Wall Street Journal va Reuters xabariga ko‘ra, Oq uy ma’muriyati hukumat xodimlariga o‘z mavqeidan foydalanib birjada stavkalar qo‘yishni taqiqladi. Bunga Donald Trampning muhim siyosiy qarorlari e’lon qilinishidan atigi bir necha daqiqa oldin amalga oshirilgan shubhali moliyaviy operasiyalar sabab bo‘lgan.
Xususan, 23 mart kuni Eron bo‘yicha bayonot berilishidan bir daqiqa oldin noma’lum treyderlar neft bozoriga 500 million dollar tikishgan va narxlar tushishi natijasida katta foyda ko‘rishgan. Shuningdek, Polymarket platformasida ham sulh sanasini aniq topgan shubhali stavkalar kuzatilgan.
Oq uy vakili Devis Inglning ta’kidlashicha, Tramp barcha uchun foydali va kuchli fond bozori tarafdori bo‘lsa-da, Kongress a’zolari va davlat amaldorlarining jamoatchilikka ma’lum bo‘lmagan insayderlik ma’lumotlaridan shaxsiy moliyaviy maqsadlarda foydalanishi taqiqlanishi shart. Hozirda ushbu shubhali moliyaviy harakatlar yuzasidan ekspertlar va nazorat organlarida jiddiy savollar tug‘ilmoqda.
Eron Trampning Ho‘rmuz bo‘g‘ozini ochish bo‘yicha ultimatumiga javob qaytardi
Eron ulamolari Xomanaiydan atom bomba yasashga ruxsat berishni so‘radi
Eron Ho‘rmuz bo‘g‘ozining «kalitlarini yo‘qotib qo‘ydi»
