OpenAI yangi GPT-6 Astra sun’iy intellekt modelini taqdim etdi

AQShning OpenAI kompaniyasi yangi GPT-6 Astra sun’iy intellekt modelini taqdim etdi.

Bu haqda OpenAI rasmiy saytida ma’lum qilindi.

Kompaniya GPT-6 Astra’ni dunyodagi eng aqlli model deb atab, uning dasturiy ta’minot ishlab chiqish, kiberxavfsizlik, ilm-fan va boshqa qator sohalarda ilg‘or imkoniyatlarga ega ekanini ta’kidladi.

"Ushbu model kompyuter va brauzerlardan foydalanish sohasida ham yangi standart o‘rnatadi. U eng murakkab professional vazifalarni mislsiz tezlik, aniqlik va fikr yuritish qobiliyati bilan bajara oladi", — deyiladi kompaniya xabarida.

GPT-6 Astra boshqa imkoniyatlar qatorida onlayn shakllarni to‘ldirish, CRM tizimida mijozlar haqidagi ma’lumotlarni yangilash, taqvimni boshqarish, internetda tadqiqot olib borish, elektron xatlarni qisqacha mazmunda umumlashtirish va ilmiy ma’lumotlarni tahlil qilish imkoniyatiga ega.

Shuningdek, model o‘yinlar, veb-saytlar, hujjatlar va taqdimotlar yarata oladi.