Oliy ta’lim vazirligi: Qizlarning magistraturada tekin o‘qishi bu — prezidentning “otalarcha g‘amxo‘rligi”

Oliy ta’lim vazirligi matbuot kotibi ijtimoiy tarmoqlarda qizlarning magistraturada bepul o‘qishi xalq pulini sarflash va tengsiz imkoniyat yaratish ekani haqidagi fikrlarga munosabat bildirdi.

Uning ta’kidlashicha, bu imtiyoz biror qatlamga qarshi qaratilmagan, balki ayollarning ta’lim va ilm-fandagi ishtirokini qo‘llab-quvvatlashga xizmat qiladi.

Nazokat Abduqunduzova bu imkoniyatni prezidentning qizlarga ko‘rsatayotgan “otalarcha g‘amxo‘rligi” va ularning kelajagiga kiritilayotgan sarmoya sifatida qabul qilish kerakligini aytdi.