Avstraliyadagi kimoshdi savdosida angus zotli buqa mamlakat uchun rekord narx — 420 ming avstraliya dollari (300 ming AQSh dollari)ga sotildi.
Wyatt W50 laqabli rekordchi-buqa Yangi Janubiy Uels shtatidagi Millah Murrah naslchilik xo‘jaligida o‘stirilgan. Ushbu rancho mazkur zotli buqalarni yetishtirish etaloni hisoblanadi.
Uch yuz minglik buqa 19 oylik bo‘lib, vazni 834 kg. Jonivorning yaxshi nasl berish xususiyati xaridorlarni jalb qildi. Bu zotga mansub buqalar vazni tez oshadi.
Shu paytgacha dunyoda eng qimmat narxga SAV America 8018 laqabli angus buqasi sotilgan. 2019 yil AQShda bo‘lib o‘tgan kimoshdida jonivor uchun xaridor $1,51 mln to‘lagan. Bu buqaning o‘ziga xosligi shundaki, 205 kunligida 500 kg tosh bosgan, ya’ni me’yordagidan ikki karra yuqori.
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
«Vafot etgan» Bibimaryam tirik ekani tasdiqlandi — Face ID ishga tushdi
Dunyo xaritasi 500 yil ichida ilk bor yangilandi
