Xerson viloyatining Rossiya nazoratidagi Oleshki shahrida aholi oziq-ovqat tanqisligidan qiynalmoqda. Shaharga so‘nggi marta oziq-ovqat yetkazib berish 26 may kuni amalga oshirilgan. Tinch aholini evakuasiya qilish urinishlari esa hozircha natija bermagan.
🥖 Oziq-ovqat sotib olish uchun odamlar qo‘shni aholi punktlariga borishga majbur. Dronlar odamlar guruhining yo‘lga chiqqanini tasvirga olgan: ayrimlari piyoda, boshqalari velosipedda, yana kimdir aravacha olib yo‘lga chiqqan.
⚠️ Oleshkilik bir ayolning BILD nashriga aytishicha, yo‘lda odamlar oyoq ostiga ham, osmonga ham doimo e’tiborli bo‘lishi kerak. Minalar, dronlar va kassetali o‘q-dorilar bilan hujumlar xavfi doimiy ekan.
🚲 Radenskkacha velosipedda borish — bir tomonga taxminan 20 km — 1,5–2 soat davom etadi. Oziq-ovqat bilan qaytish esa jismoniy holatga qarab 3–6 soatga cho‘zilishi mumkin.
🇺🇦 Ukraina armiyasi ikkinchi marta dronlar yordamida aholiga oziq-ovqat solingan paketlarni tashlab berishga muvaffaq bo‘lgan.
Biroq xabarda ta’kidlanishicha, Oleshkida ochlikdan qiynalayotgan aholi evakuasiyasiz qishni omon o‘tkazishi qiyin.
Aeroportda yangi tug‘ilgan chaqaloq va uning onasi vafot etdi
Ayiq ovlaganlarga pul mukofoti va’da qilindi
13 yoshli qiz egizak farzandli bo‘ldi
