Og‘ir atletika bo‘yicha uch karra jahon chempioni Akbar Jo‘rayev Prezident sovg‘asi bilan taqdirlandi — unga BYD avtomobili hamda 15 ming AQSh dollari miqdorida bir martalik pul mukofoti topshirildi.
O‘zbekiston Milliy olimpiya qo‘mitasi ma’lumotiga ko‘ra, Jo‘rayev yaqinda Norvegiyada o‘tkazilgan jahon chempionatida 110 kilogrammgacha vazn toifasida g‘olib chiqdi. Hamyurtimiz dast ko‘tarishda 196 kilogramm bilan jahon rekordini o‘rnatdi. Shuningdek, u siltab ko‘tarishda 232 kilo toshni o‘ziga bo‘ysindi. Ikki kurash natijasiga ko‘ra Akbar 428 kg natija bilan jahon rekordini yangiladi. Shu tariqa, Jo‘rayev Jahon chempionatida 3 ta oltin medal bilan qaytdi.
Bu sportchining jahon chempionatlaridagi uchinchi “oltin” medali bo‘ldi. Avval u 2021 yilda Toshkentda va 2023 yilda Ar-Riyodda jahon chempioni bo‘lgan.
Norvegiyada O‘zbekistonlik yana bir sportchi — Ruslan Nuriddinov ham muvaffaqiyat qozondi, u ikki bronza medalni qo‘lga kiritdi. Milliy olimpiya qo‘mitasi ma’lum qilishicha, Nuriddinov va terma jamoa murabbiyi Bahrom Mendiboyevga ham pul mukofotlari topshirilgan — mos ravishda 3,75 ming va 7 ming AQSh dollari.
Ronaldu "An-Nasr"dan ketishga qaror qildi. U faoliyatini yakunlash uchun o‘ziga klub tanladi
"El-klasiko" oldidan "Barselona" muxlislari uchun yomon xabar!
O‘zbek futbolchisining qozoq klubida 58 ming dollar maoshi qolib ketdi
