Nursulton Ro‘ziboyevning navbatdagi jangi sanasi ma’lum

O‘zbekistonlik UFC jangchisi Nursulton Ro‘ziboyevning navbatdagi jang sanasi va raqibi ma’lum. Bu haqida sportchining o‘zi Instagram sahifasi orqali ma’lum qildi.

Manbaga ko‘ra, 17 may kuni Amerika Qo‘shma Shtatlarining Las Vegas shahridagi “UFC Apex” majmuasida navbatdagi UFC Fight Night turniri tashkil etiladi. Oqshom doirasida o‘zbekistonlik MMA jangchisi Nursulton Ro‘ziboyev ham oktagonga chiqadi. Sportchining navbatdagi raqibi — amerikalik Dastin Stolsfus.

Nursulton Instagram sahifasida jangni tasdiqlab, mazkur suratni joyladi va uni quyidagicha izohladi: “Las-Vegas. 17 may. Tez orada ko‘rishguncha!”

Ma’lumot uchun, Nursulton Ro‘ziboyev shu vaqtga qadar UFC’da 4 ta jangdan 3 tasida g‘alaba qozonib, 1 ta jangda esa imkoniyatni boy bergan edi. 17 may kuni Ro‘ziboyev uchun UFC’dagi 5-jangini o‘tkazadi.