Norvegiyada uchrashuvning eng yaxshi o‘yinchisi tovuq tuxumi bilan taqdirlandi

“Bryune” jamoasi darvozaboni Yan de Burga to‘rt quti tuxum topshirildi.

“Bryune” futbol bo‘yicha Norvegiya chempionatining 1-turidan o‘rin olgan “Bodo-Glimt”ga qarshi o‘z maydonida o‘tgan o‘yinda 0:1 hisobida imkoniyatni boy berdi.

Mezbonlar darvozaboni Yan de Bur uchta seyv amalga oshirdi, 55-daqiqada penaltini qaytardi va mag‘lubiyatga uchraganiga qaramay, uchrashuv yakunida eng yaxshi futbolchi deb topildi. Mukofot sifatida niderlandiyalik darvozabonga noodatiy sovrin – 4 quti tovuq tuxumi topshirildi. Bu haqda klubning ijtimoiy tarmoqdagi sahifasida xabar berildi.

24 yoshli de Bur “Bryune”ga 2025 yilning fevralida kelib qo‘shilgan edi. “Bodo-Glimt”ga qarshi o‘yin uning klubdagi debyuti edi.