Niderlandiyaning KLM aviakompaniyasi mamlakat hududida kuzatilgan «Ostin» bo‘roni sababli 23 va 24 oktyabr kunlariga rejalashtirilgan 40 dan ortiq aviaqatnovni bekor qildi.
Reuters axborot agentligi xabar berishicha, bekor qilingan reyslar Amsterdamdagi Sxipxol aeroportidan amalga oshirilishi rejalashtirilgan uchish va qo‘nish qatnovlariga taalluqli.
Agentlik ma’lumotlariga ko‘ra, kuchli yomg‘ir va bo‘ronli shamol tufayli 23 oktyabr kuni aviakompaniyaning 20 ta reysi bekor qilingan. 24 oktyabr kuni esa yana 22 ta reys amalga oshirilmaydi.
Shu bilan birga, Sxipxol aeroporti matbuot xizmati ANP agentligiga ma’lum qilishicha, noqulay ob-havo sharoitining aeroport faoliyatiga ta’siri hozircha cheklanganligicha qolmoqda.
Aeroportning rasmiy veb-saytida e’lon qilingan jadvalga ko‘ra, 23 oktyabr kuni KLM Amsterdamdan Jeneva, London va Bergen shaharlariga amalga oshirilishi rejalashtirilgan ayrim reyslarni bekor qilgan. Shuningdek, Varshava, Birmingem va Liondan Niderlandiya poytaxtiga yo‘naltirilgan reyslar ham bekor qilingan.
Bundan tashqari, turli aviakompaniyalarga tegishli o‘nlab aviaqatnovlar ikki soat va undan ko‘proq vaqtga kechiktirilmoqda.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Birgina surat maxfiy rejani tasodifan oshkor qildi. 5 kun ichida nimalar bo‘ldi?
Messi — uchinchi, Yamal — ikkinchi: "Oltin to‘p" uchun asosiy favorit nomi ma’lum bo‘ldi
