Niderlandiya mudofaa vaziri Dilan Yeshilgyoz-Zegerius qo‘shimcha moliyalashtirish Ukraina harbiylarini tayyorlash ko‘lamini oshirish imkonini berishini ma’lum qildi.
Niderlandiya Ukrainada harbiy xizmatchilarni tayyorlash imkoniyatlarini kengaytirish maqsadida o‘quv infratuzilmasini rivojlantirish uchun 10 million yevro ajratadi. Bu haqda Niderlandiya mudofaa vaziri Dilan Yeshilgyoz-Zegerius ma’lum qildi.
«Bugun biz Ukrainadagi o‘quv ob’ektlari uchun 10 million yevro ajratilishini e’lon qilamiz», — dedi u Bryusselda Yevropa Ittifoqi mamlakatlari mudofaa idoralari rahbarlari yig‘ilishiga yetib kelgach jurnalistlarga.
Uning so‘zlariga ko‘ra, qo‘shimcha moliyalashtirish tayyorgarlikdan o‘tayotgan ukrainalik harbiy xizmatchilar sonini oshirish imkonini beradi.
Vazir, shuningdek, Niderlandiya ittifoqchilari bilan birgalikda Ukraina Qurolli kuchlarining qariyb 100 ming nafar askar va ofiserini tayyorlashda ishtirok etganini eslatdi. Bu ishlar Yevropa Ittifoqining EUMAM Ukraine harbiy tayyorgarlik missiyasi doirasida ham amalga oshirilgan.
Eron ustidan g‘alaba O‘zbekistonni FIFA reytingida yuqoriga ko‘tardi
«Manchester Siti» futboldan butunlay chetlatilishi ham mumkin
O‘zbekiston - Suriya o‘yini «Paxtakor» stadionida o‘tkaziladi
