Niderlandiya hukumati TikTok va Instagram kabi ijtimoiy tarmoqlardan 15 yoshgacha bo‘lgan bolalar va o‘smirlarga foydalanishni taqiqlashni, ularning smartfonlar oldida o‘tkazadigan vaqtini keskin cheklashni va bolalar xonalarida ekranli qurilmalardan foydalanishni taqiqlashni taklif qilmoqda, deb xabar beradi Euronews.
Mamlakat Sog‘liqni saqlash vazirligi ijtimoiy tarmoqlarda ko‘p vaqt o‘tkazish psixologik va fiziologik muammolarga olib kelishi mumkinligini qayd etadi. Bularga uyqu buzilishi, depressiya va tashvish (vahima hujumlari) kiradi. Bu xulosani Niderlandiya parlamenti ekspertlar guruhi ham tasdiqladi.
2024 yil fevral oyida Niderlandiya qirolichasi Maksima ham bu masalaga to‘xtalib, uning kenja qizi Ariana smartfon oldida juda ko‘p vaqt o‘tkazgani uchun ko‘rish qobiliyatidan aziyat chekayotganini aytdi.
TikTok va Instagram foydalanuvchilarning kamida 13 yoshda bo‘lishini talab qiladi. Biroq, gollandiyalik shifokorlar bu yoshni faqat ijtimoiy funksiyalari cheklangan platformalar, masalan, oddiy messenjerlar (masalan, WhatsApp va Signal) uchun mos deb hisoblaydilar.
Niderlandiya maktablarida smartfondan foydalanish taqiqlangan, biroq yangi takliflar hali qonuniy jihatdan majburiy cheklovlar emas.
Bir qator Yevropa davlatlari ham shu kabi qonun loyihalarini muhokama qilyapti. Ba’zi mamlakatlarda o‘smirlar ijtimoiy tarmoqlarda akkaunt ochish uchun ota-onalarning ruxsatiga muhtoj bo‘ladi.
Hozircha o‘smirlar uchun ijtimoiy tarmoqlarni butunlay taqiqlagan yagona davlat bu Avstraliyadir. U yerdagi yangi qonun 2025 yil noyabr oyida kuchga kiradi.
Dahshat! Eron birinchi marta zamonaviy vertikal raketalardan foydalanmoqda
Uta Abe Diyora Keldiyorovaga "vizov" tashladi
Icroil «Qizil to‘y» operasiyasi doirasida 12 daqiqa ichida Eronning harbiy rahbarlarini yo‘q qildi
