O‘zbekistonda gaz va elektr toki qimmatlashganidan foydalanib, o‘z mahsulot va xizmatlari narxlarini asossiz oshirgan monopol korxonalar jazolanadi. Bu haqda Raqobat qo‘mitasi ma’lum qildi.
Qayd etilishicha, 2026 yil 1 iyundan respublikada yonilg‘i-energetika resurslari narxlari 10 foizga oshirildi. Mazkur holat ayrim mahsulot va xizmatlar tannarxiga ma’lum darajada ta’sir ko‘rsatishi tabiiy. Qo‘mita bu holat monopol va tabiiy monopol mahsulotlar hamda xizmatlar narxlarini iqtisodiy jihatdan asoslanmagan tarzda oshirish uchun sabab bo‘la olmasligini bildirdi.
“Raqobat qo‘mitasi monopol va tabiiy monopol korxonalarni narxlarni belgilashda amaldagi qonunchilik talablariga qat’iy rioya etishga chaqirib, har qanday asossiz narx oshirish holatlariga nisbatan qonuniy choralar ko‘rilishini ma’lum qiladi”, deyiladi xabarda.
Qo‘mita ustun mavqega ega (monopol) korxonalar faoliyati va ular qo‘llayotgan narxlar doimiy nazoratda ekaniga urg‘u bergan. Agar monopol mahsulotlar va xizmatlar narxlari iqtisodiy asoslantirilmasdan oshirish holatlari aniqlangan taqdirda, qonunchilikda belgilangan moliyaviy jarimalar va boshqa ta’sir choralari qo‘llanishi mumkin.
O‘zbekiston — Kolumbiya o‘yini uchun chiptalar sotuvi rekord darajaga chiqdi
AQShda ham to‘y qilayotganlar aqldan ozmoqda
So‘nggi 140 yildagi eng kuchli El-Nino hodisasi yaqinlashmoqda. Bu butun dunyodagi ob-havoga ta’sir qilishi mumkin
