"Napoli" - A Seriya 2024/25 chempioni!

"Napoli" o‘z maydonida A Seriya 38-turi doirasida "Kalyari"ni mag‘lub etdi - 2:0. Gollarga Skott Maktominey va Romelu Lukaku mualliflik qildi.

Parallel kechgan o‘yinda "Inter" safarda "Komo"ni mag‘lub etdi - 2:0.

Gollarga Stefan de Vrey va Xoakin Korrea mualliflik qildi.

"Napoli" ochkolarini 82 taga yetkazib, Italiya chempioniga aylandi. Antonio Konte jamoasi "Inter"ni 1 ochkoga ortda qoldirdi. Uchinchi o‘rinni "Atalanta" (74) egalladi.

"Napoli" o‘z tarixida to‘rtinchi marta va so‘nggi uch yil ichida ikkinchi marta Italiya chempionligini qo‘lga kiritdi.