Namanganda yer osti chiqindi qutisi o‘rnatildi

Namangan shahar «Obi-hayot» MFY hududidagi FHDYo binosi oldida zamonaviy yer osti chiqindi qutisi o‘rnatildi.

Hokimlikning qayd etishicha, ushbu chiqindi qutisi yer ostida joylashgan bo‘lib, unga tashlangan qoldiqlar sochilmaydi, xunuk manzaraning oldini oladi. Tozalikni saqlab, atrofga yoqimsiz hid tarqalishini bartaraf etadi.

Loyiha bilan tanishgan Namangan viloyati hokimi Shavkatjon Abdurazzoqov zamonaviy shaharsozlik talablari asosida bu kabi yangiliklarni sinab ko‘rish va ishlash tizimini takomillashtirish yuzasidan mutasaddilarga topshiriqlar berdi.