"Barselona" yarim himoyachisi Fermin Lopes "Real" bosh murabbiyi Joze Mourinyoning so‘nggi bayonotlari haqida o‘z fikrini aytdi.
Ispaniyalik futbolchining ta’kidlashicha, portugaliyalik mutaxassisning matbuotda keskin va shov-shuvli chiqishlar qilishi yangilik emas.
"Bu, menimcha, Mourinyoning o‘ziga xos uslubi. U anchadan beri shu tarzda matbuot bilan ishlaydi. Bu uning shouining bir qismi, desak ham bo‘ladi", — dedi Fermin.
Shu bilan birga, "Barselona" futbolchisi kataloniyaliklar raqiblar atrofidagi voqealarga ortiqcha e’tibor qaratmasligini ta’kidladi.
"Biz "Real" yoki boshqa jamoalar nima qilayotganiga qarab qolmaslikka harakat qilamiz. Asosiy maqsadimiz — o‘z o‘yinimizni yaxshilash va rivojlanishda davom etish", — deya qo‘shimcha qildi u.
Ayni paytda "Barselona" La Liganing dastlabki 7 turida barcha uchrashuvda g‘alaba qozonib, 21 ochko bilan jadvalni boshqarib bormoqda.
"Atletiko" va "Betis" 16 ochkodan to‘plagan holda kataloniyaliklarni ta’qib qilmoqda. "Real" esa 15 ochko bilan keyingi pog‘onada joylashgan.
O‘zbekiston terma jamoasiga chaqirilmagan TOP-5 futbolchi
Mbappe: "Avval Ronaldu mening kumirim edi, endi esa..."
Superligada 22-tur ortda qoldi: Barcha natijalar va turnir jadvali
