Misr Saudiya Arabistoniga "barcha zarur" yordam ko‘rsatishga qaror qildi

Misr Saudiya Arabistoniga o‘z xavfsizligi va barqarorligini himoya qilish uchun "barcha zarur va mumkin bo‘lgan" yordamni ko‘rsatadi.

Bu haqda Misr rahbarining idorasi e’lon qildi.

Bu qaror Misr prezidenti Abdul Fattoh as-Sisi raisligida bo‘lib o‘tgan Milliy mudofaa kengashi yig‘ilishidan so‘ng qabul qilindi.

Bayonotda Xavfsizlik Kengashi Saudiya Arabistoni milliy xavfsizligining Misr va arab mamlakatlari xavfsizligi bilan o‘zaro bog‘liqligini yana bir bor tasdiqlagani ta’kidlangan.

Kengash a’zolari, shuningdek, mintaqadagi keskinlikni yumshatishga yordam berish uchun diplomatik sa’y-harakatlarni kuchaytirishga kelishib oldilar.

Avvalroq as-Sisi, agar Ar-Riyod so‘rasa, Misr Saudiya Arabistonini himoya qilish uchun zarur choralarni ko‘rishga tayyorligini bildirgan edi.