«Inter Mayami» hujumchisi Lionel Messi AQSh Oliy futbol ligasi (MLS) doirasida «Atlanta»ga qarshi o‘tkazilgan uchrashuvda dubl qayd etdi. Mazkur bahs mayamiliklarning 3:1 hisobidagi g‘alabasi bilan yakunlandi.
39 yoshli argentinalik futbolchi ushbu uchrashuvda professional faoliyatidagi 935 va 936-gollarini kiritdi.
Messi shu vaqtga qadar klublar va milliy terma jamoa safida jami 1181 ta uchrashuvda maydonga tushib, 936 ta gol urishga muvaffaq bo‘lgan. Shuningdek, uning hisobida 427 ta golli uzatma ham mavjud.
O‘z navbatida, Saudiya Arabistonining «An-Nasr» klubi hujumchisi Krishtianu Ronaldu faoliyati davomida 1340 ta uchrashuvda ishtirok etib, 981 ta gol urgan va 261 ta golli uzatmani amalga oshirgan.
41 yoshli portugaliyalik futbolchi gollar soni bo‘yicha Messidan 45 ta golga oldinda bormoqda. Argentinalik yulduz esa golli uzatmalar borasida Ronaldudan 166 taga ustunlik qilmoqda.
Shohjahon Ergashevning Toshkentdagi jangi janjal bilan nihoyasiga yetdi
«Oltin to‘p»-2026 uchun asosiy da’vogar nomi ma’lum bo‘ldi
Portugaliya futbol federasiyasi Ronaldu bo‘yicha o‘z pozisiyasini ma’lum qildi
