Argentinalik Lionel Messi va portugaliyalik Krishtianu Ronaldu Karlos Tevesning xayrlashuv uchrashuvida bir jamoa safida maydonga tushishi mumkin. Tevesning aytishicha, har ikki futbolchi ham taklifga rozilik bildirgan.
Xayrlashuv o‘yini 2026 yil dekabrida Buenos-Ayresdagi mashhur «La Bombonera» stadionida o‘tkazilishi rejalashtirilgan. Avvalgi xabarlarda uchrashuv 19 dekabrga belgilanishi mumkinligi aytilgan.
«Men doimo Krishtianu va Leoni bir jamoada ko‘rishni orzu qilganman. Ular barcha davrlarning eng buyuk ikki futbolchisi. Ikkalasi bilan ham bog‘landim. Ronalduga bu g‘oyani aytganimda, u kelishini bildirdi. Leoni ko‘ndirish ham qiyin bo‘lmadi. Ikkalasi ham rozilik berdi», – degan Teves.
Teves faoliyati davomida Ronaldu bilan Angliyaning «Manchester Yunayted» klubida birga o‘ynagan. Messi bilan esa Argentina milliy terma jamoasida sherik bo‘lgan.
Xayrlashuv uchrashuviga Ueyn Runi va Andrea Pirlo kabi Teves bilan birga o‘ynagan boshqa mashhur futbolchilar ham taklif qilinishi kutilmoqda.
Hozircha Messi va Ronaldu tomonidan uchrashuvda qatnashish bo‘yicha alohida rasmiy bayonot berilmagan. Ular rozilik bergani haqidagi ma’lumot Tevesning so‘zlariga asoslanmoqda.
Shahnoza Mirziyoyeva Musulmon Yunusovning murojaatiga munosabat bildirdi
Dunyo xaritasi 500 yil ichida ilk bor yangilandi
💴 Adliya vazirligi O‘zbekistondagi pensiya va nafaqalar miqdorini eslatdi
