Lionel Messi yaqinlashib kelayotgan Jahon chempionatida Argentina terma jamoasi safida ishtirok etmasligi mumkin. «The Touchline» nashrining xabariga ko‘ra, 38 yoshli futbolchi mundialda qatnashmaslik variantini istisno qilmayapti.
Hamma narsa hujumchining jismoniy holatiga bog‘liq bo‘ladi. Agar Messi o‘zini 100 foiz emas, balki hatto 1 foiz bo‘lsa-da yomonroq his qilsa — u Jahon chempionatiga bormaydi.
Messi MLS (Major League Soccer) darajasini Jahon chempionatiga eng yuqori formada yetib borish uchun yetarlicha raqobatbardosh emas deb hisoblaydi. Argentina terma jamoasi sardori bu kamchilikni faqatgina yuz foizlik jismoniy tayyorgarlik bilan qoplashi kerakligini tushunib turibdi.
Eslatib o‘tamiz, 2026 yilgi Jahon chempionatida Argentina terma jamoasi amaldagi chempion sifatida o‘z unvonini himoya qiladi. O‘tgan mundial finalida «albiseleste» Fransiya bilan 3:3 hisobida durang o‘ynab, penaltilar seriyasida g‘alaba qozongan edi.
Gvardiola Abduqodir Husanovga qoyil qoldi
“An-Nasr” Ronalduni sotadigan bo‘ldi. Birinchi xaridor aniq
«O‘zbekistonlik qotil». SofaScore Shomurodovni e’tirof etdi (foto)
