Mbappe maydondan chetlatilgan o‘yinda «Real» «Alaves» ustidan qiyin g‘alabaga erishdi

Ispaniya La Ligasining 31-turidan o‘rin olgan o‘yinda «Alaves» o‘z maydonida Madridning «Real» jamoasini qabul qildi. «Mendisorrosa» stadionida bo‘lib o‘tgan bellashuvda «qirollik klubi» 1:0 hisobida g‘alaba qozondi.

Uchrashuvdagi yagona gol 34-daqiqada qayd etildi — Eduardu Kamavinga mezbonlar darvozasini ishg‘ol qildi. 38-daqiqada esa madridliklar hujumchisi Kilian Mbappe qo‘pol fol uchun to‘g‘ridan-to‘g‘ri qizil kartochka oldi. Chetlatish VAR orqali tasdiqlandi. «Real» shu tariqa 32 daqiqadan ortiq vaqtni bir kishi kam o‘tkazdi.

70-daqiqada «Alaves» futbolchisi Manuel Sanches ham maydondan chetlatildi — har ikki jamoa o‘yinni teng tarkibda yakunladi.

Bu natijadan so‘ng «Alaves» 30 ochko bilan La Liganing 17-pog‘onasida qolmoqda. «Real Madrid» esa 66 ochko to‘plab, 2-o‘rinni egallab turibdi. Chempionatdagi peshqadam — 70 ochko jamg‘argan «Barselona».

Ispaniya La ligasi, 31-tur
Alaves - Real Madrid - 0:1
Gol: 0:1 Kamavinga – 34'    
Chetlatishlar: Sanches – 70' / Mbappe – 38'