Marokash 2025 yilning mayiga qadar 7,2 million sayyohni qabul qildi, bu o‘tgan yilning shu davriga nisbatan 22 foizga ko‘pdir, deya xabar beradi AZƏRTAC.
Marokashning Turizm, hunarmandchilik, ijtimoiy va kooperativ iqtisodiyot vazirligi ushbu ko‘rsatkich mamlakatning jahon turizm bozoridagi yetakchi o‘rinlarini tasdiqlab, sohani rivojlantirishga qaratilgan strategik chora-tadbirlar samaradorligini isbotlashini ta’kidladi.
Vazir Fotima Zahra Ammorning so‘zlariga ko‘ra, bu o‘sish Marokashning sayyohlik yo‘nalishi sifatida jozibadorligi oshib borayotganini aks ettiradi. Bu 2023–2026 yillarga mo‘ljallangan Turizm yo‘l xaritasini amalga oshirish bilan chambarchas bog‘liq. Hujjat havo transportini takomillashtirish, reklama kampaniyalarini kuchaytirish, turistik takliflar xilma-xilligini oshirishga qaratilgan sarmoyalarni rag‘batlantirish kabi ustuvor yo‘nalishlarni o‘z ichiga oladi.
Ammorning so‘zlariga ko‘ra, bu ijobiy natija Marokashning 2030 yilgacha 26 million sayyohni qabul qilish rejasi muvaffaqiyatli amalga oshishiga ishonch beradi.
Abduqodir Husanov «Barsa»ga o‘tishi mumkin — Deku uni «kelajak himoyachisi» deb biladi
Dollar kursi yana keskin «quladi»
Isroil Eron bilan urush tugaganini rasman e’lon qildi
