Markaziy bank ogohlantirish bilan chiqdi

Finlit.uz onlayn platformasi nomidan ish olib borgan firibgarlar tomonidan o‘zbekistonliklarning pullarini o‘g‘irlash holatlari aniqlandi.

Regulyatorning Finlit.uz portali aholining moliyaviy savodxonligini va ommaboplikni oshirish maqsadida tashkil etilgan. Portal kredit berish, omonat qabul qilish, to‘lovlarni amalga oshirish, pullik moliyaviy maslahatlar berish bilan shug‘ullanmaydi.

«Markaziy bank tomonidan tashkil etilgan moliyaviy savodxonlikni oshirishga doir o‘quv darslari, seminar-trening, mahorat darslari va Finlit.uz ning barcha loyihalari mutlaqo bepul hisoblanadi», – deyiladi xabarda.

Ma’lum qilinishicha, ushbu platforma nomidan sizga moliyaviy xizmatlarni taklif etib yozgan barcha akkauntlar firibgarlarga tegishli.