Evropa Ittifoqi Moskvadagi paradda qatnashadiganlar uchun ogohlantirish berdi

Evropa Ittifoqining oliy vakili Kaya Kallas nomzod davlatlarning 9 may kuni Moskvada o‘tkaziladigan tadbirlarda ishtiroki juda salbiy baholanishini ma’lum qildi.

"Biz aniq va ravshan aytdik: Rossiya Yevropada keng ko‘lamli urush olib borayotgan bir paytda, Yevropa Ittifoqiga a’zo bo‘lishga intilayotgan bironta ham davlat 9 may paradida qatnashmasligi lozim," - dedi Kallas Lyuksemburgda Yevropa Ittifoqi kengashi yig‘ilishidan so‘ng o‘tkazilgan matbuot anjumanida.

U Moskvadagi bayram tadbirlarida ishtirok etish Yevropa qadriyatlariga zid ekanligini va bunday harakatlar oqibatsiz qolmasligini ta’kidladi.

Shuningdek, Kallas Yevropa Ittifoqi mamlakatlari va tashkilotlarini Kiyevga tez-tez tashrif buyurishga chaqirdi:

"Bu Ukrainaga birdamlik va qo‘llab-quvvatlashimizni ko‘rsatish uchun muhim. Biz doimo tashriflar uchun imkoniyat izlaymiz."

Avvalroq Latviya TIV rahbari Bayba Braje G‘arbiy Bolqondan nomzod davlatlarga allaqachon aniq signallar yuborilgani - Moskva paradida ishtirok etishdan tiyilish kerakligini ma’lum qilgandi.