AQShda Xitoy bilan urush bo‘lishi bashorat qilindi. Kuinsi institutining Sharqiy Osiyo dasturi direktori Jeyk Vernyer AQSh va Xitoy o‘rtasidagi iqtisodiy raqobat ochiq harbiy to‘qnashuvga aylanib ketishi mumkinligini ta’kidladi. U o‘z mulohazalarini Amerikaning Responsible Statecraft nashrida chop etilgan maqolasida bayon qildi.
"Jamoatchilik moliya bozorlaridagi beqarorlikni kuzatayotgan bir paytda, [AQSh prezidenti Donald] Trampning "ozodlik kuni"dan keyin yanada jiddiyroq xavf paydo bo‘ldi. Bu - keyingi yillarda harbiy tus olishi mumkin bo‘lgan Amerika-Xitoy mojarosining keskinlashuvi," - deb ta’kidladi mutaxassis.
Uning fikricha, Tramp boshlagan savdo urushi Xitoyni bo‘ysundirishga qaratilgan, ammo Pekin bunga toqat qilishga tayyor emas. Vernyer, agar Xitoy iqtisodiy bosimga bardosh bera olsa, Amerika rahbari eskalasiya tarafdorlari ustunlik qilgan Milliy xavfsizlik kengashi nuqtai nazariga tobora ko‘proq e’tibor qarata boshlashini taxmin qilmoqda.
"Bunday vaziyatda Tayvan yoki Janubiy Xitoy dengizi atrofidagi har qanday xato halokatli oqibatlarga olib kelishi mumkin," deya ogohlantirdi tahlilchi.
Bundan oldin Donald Tramp Xitoy mahsulotlariga bojxona to‘lovlarini 145 foizgacha ko‘targan edi. U Pekinni Amerika mahsulotlariga qo‘yilgan javob tariflarini bekor qilishni rad etgani uchun "jahon bozori qoidalarini pisand qilmaslikda" ayblagan edi.
1 maydan 500 kVt⋅soatgacha bo‘lgan yangi miqdor joriy qilindi
Xitoyda 100 tonna tirik timsoh auksionda sotilayapti! Narx va shartlar hushingizni oladi
Rossiyada Xitoy avtosalonlari tezlik bilan yopilmoqda
