Mariya Zaxarova Yaponiyani Ukraina mojarosiga aralashishda aybladi

Rossiya Tashqi ishlar vazirligi vakili Mariya Zaxarova Yaponiyani Ukrainadagi mojaroga tobora ko‘proq aralashayotganlikda aybladi.

Uning so‘zlariga ko‘ra, Tokio Kiyevga dron texnologiyalarini rivojlantirishda yordam bermoqda va bu orqali mojaroning cho‘zilishiga hissa qo‘shmoqda.

Zaxarova ta’kidlashicha, Vladimir Zelenskiy boshchiligidagi hukumatga yordam berish Rossiya bilan munosabatlarni yanada yomonlashtirmoqda.

U, shuningdek, Yaponiya siyosati mojaroni tez hal etishga xizmat qilmasdan, aksincha harbiy harakatlarni uzaytirishini bildirdi.