"Uzr o‘g‘lim, shunaqa bo‘lib qoldi" - Tramp o‘g‘lining nikoh to‘yida qatnasha olmasligini ma’lum qildi

AQSh prezidenti Donald Tramp davlat majburiyatlari tufayli to‘ng‘ich o‘g‘li kichik Donald Trampning to‘yida qatnasha olmasligini e’lon qildi.

Tramp bu haqda Truth Social ijtimoiy tarmoq sahifasi yozdi.

Amerikalik yetakchi oilasi bilan birga bo‘lishni xohlayotganini, ammo hukumat vazifalari unga Vashingtonni tark etishga to‘sqinlik qilayotganini ta’kidladi.

Shuningdek, u o‘g‘li va bo‘lajak rafiqasini yaqinlashib kelayotgan to‘ylari bilan tabrikladi.

Ommaviy axborot vositalari xabarlariga ko‘ra, kichik Donald Tramp model Bettina Andersonga Bagama orollaridagi orolda turmush qurishni rejalashtirmoqda.