Rossiya Armanistonga iqtisodiy bosimni kuchaytirmoqda

Moskva va Yerevan o‘rtasidagi ziddiyat fonida Vladimir Putin Armaniston Rossiya gazini imtiyozli narxda olayotganini eslatib, mamlakat “geosiyosiy yo‘nalishini tanlashi kerak”ligini aytdi.

Bunga javoban Armaniston bosh vaziri gaz narxlari uzoq muddatli shartnoma bilan belgilanganini va bir tomonlama o‘zgartirilmasligini ta’kidladi.

Shuningdek, Rossiyaning Rosselxoznadzor agentligi fitosanitariya sabablarini ko‘rsatib, Armaniston gullari importini taqiqladi. Endi meva-sabzavotlarga ham cheklov qo‘yilishi mumkinligi aytilmoqda.

Tahlilchilarga ko‘ra, bu Kremlning Rossiya ta’siridan uzoqlashayotgan Armanistonga qarshi tizimli iqtisodiy bosimi boshlanayotganini ko‘rsatadi.