Kolo Ture Pep Gvardiola murabbiylar shtabiga qo‘shildi.
"Manchester Siti" 44 yoshli mutaxassisni bosh murabbiy yordamchisi etib tayinlaganini e’lon qildi.
Ture 2009 yildan 2013 yilgacha "shaharliklar" safida o‘ynagan va jamoa bilan Angliya chempionati, kubogi va Superkubogini qo‘lga kiritgan. U 2024 yildan buyon "Manchester Siti U18" bosh murabbiyi yordamchisi sifatida ishlab kelayotgandi. Bungacha Kolo "Uigan"ning asosiy jamoasini boshqargan.
