Makgregor tizzasidan olgan jiddiy jarohatidan so‘ng qachon UFCga qaytishini ma’lum qildi

UFC chempioni Konor Makgregor Maks Xolloueyga qarshi jangida olgan jarohati haqida ma’lumot berdi.

Irlandiyalik jangchi bu haqda ijtimoiy tarmoq sahifasida ma’lum qildi.

"Bu oldingi xochsimon bog‘lam va meniskus edi. Xollouey bilan birinchi jangdagi kabi jarohat, faqat bu safar qarama-qarshi oyog‘imda. Juda hayratlanarli. To‘qqiz oydan keyin musobaqaga qaytdim", deb ta’kidladi Makgregor.

Uning so‘zlariga ko‘ra, tibbiyotdagi zamonaviy yutuqlar va takomillashtirilgan mashg‘ulotlar usullarini hisobga olgan holda, u kelasi yozga qadar jangga qaytishi mumkin.

"Men qo‘ltiqtayoqsiz yuraman. O‘tgan kuni oyoq cho‘zish mashqlarini bajarayotgan edim va hamma narsa yaxshi o‘tdi. Shunday qilib, men yordamsiz yura olaman, hamma narsa juda ijobiy", deb qo‘shimcha qildi sportchi.

Irlandiyalik 12 iyul kuni besh yil ichida birinchi marta UFCda jang qildi. Makgregorning o‘ng tizzasidan olgan jarohati tufayli jang birinchi raundda to‘xtatildi va Xollouey g‘olib deb e’lon qilindi.

Makgregor aralash jang san’ati (UFC) bo‘yicha 22-7 rekordiga ega.