Luka Modrich "Real Madrid"ni tark etishini e’lon qildi

39 yoshli xorvatiyalik futbolchi ushbu jamoada 2012 yildan beri to‘p surayotgan edi. Shanba kuni u so‘nggi o‘yinini o‘tkazadi.

“Men hech qachon xohlamagan lahza keldi. Bu futbol va hayotda hamma narsaning boshi va va oxiri bor... Men o‘zimni tarixda eng yaxshi klubning bir qismi ekanimni his qilyapman. G‘urur, minnatdorlik va unutilmas xotiralarga to‘la yurak bilan ketayapman”, - deb yozgan Modrich xayrlashuv so‘zlarida.

Modrich "Real Madrid" tarkibida 28 marta chempion bo‘lgan, qo‘lga kiritilgan sovrinlar bo‘yicha u klub rekordchisi.