Litva hukumati mamlakat havo hududini buzib kirgan uchuvchisiz uchish apparatlarini urib tushirish tartibini o‘zgartirish masalasida NATO bilan muzokaralar boshlamoqchi.
Bu haqda mamlakat bosh vaziri Mindaugas Sinkyavichyus LRT milliy telekanali efirida ma’lum qildi.
"Men dronlarning havo hududiga kirib kelishiga javob qaytarish tartibini qayta ko‘rib chiqish bo‘yicha NATO bilan maslahatlashuvlarni boshlash haqida topshiriq berdim. Buning uchun bir oy yetarli bo‘ladi, deb umid qilaman", — dedi bosh vazir.
Hozirgi tartibga ko‘ra, qiruvchi samolyot uchuvchisi havo hududiga kirgan ob’ektni ko‘zi bilan aniqlamasa, uni urib tushirishga ruxsat berilmaydi. Shu sababli tuman yoki bulutli ob-havo sharoitida radar orqali aniqlangan dronni yo‘q qilish imkoniyati cheklanadi.
Litva tomoni NATO bilan maslahatlashuvlar orqali ushbu talabni qayta ko‘rib chiqish va qiruvchi samolyotlarga ob’ekt bilan bevosita vizual aloqa o‘rnatmasdan ham uni urib tushirish imkonini berishni ko‘zlamoqda.
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
Rus qo‘shinlari Kiyevga olib boradigan yaxshi asfalt yo‘ldan yurganida...
40 mln odam Janubiy Osiyodan ko‘chishga majbur bo‘lishi mumkin
