Lionel Messining qo‘riqchisiga taqiq qo‘yildi

Messining shaxsiy tansoqchisi Yassin Chuekoga "Inter Mayami" o‘yinlari paytida maydon chekkasida turish rasman man etildi.

Bu qarorni MLS qabul qildi. U Messini maydonga yugurib chiqayotgan muxlislardan himoya qilayotganiga qaramay, Liga faqat maxsus tayinlangan xavfsizlik xodimlari maydon yonida bo‘lishini belgilab qo‘ydi.

Yassin Chueko: Men Yevropada yetti yil ishladim va shu vaqt mobaynida maydonga atigi 6 kishi yugurib kirdi. AQShda esa 20 oy ichida 16 ta shunday holat yuz berdi!

Endi maydonga chiqishim taqiqlandi. Men muammo tug‘dirmayman. Messini himoya qilishimga ruxsat bering! Men bu Ligani yaxshi ko‘raman, biz hamkorlikda ishlashimiz kerak.