Lamin Yamal La Liganing eng qimmat futbolchisi bo‘lib qolmoqda

Transfermarkt portali Ispaniya La Ligasi futbolchilarining qiymatini yangiladi. Unga ko‘ra, “Barselona” vingeri Lamin Yamal 200 million yevro bilan chempionatning eng qimmat futbolchisi bo‘lib turibdi.

Ikkinchi o‘rinni “Real Madrid” futbolchilari — Jud Bellingem va jamoaning fransiyalik hujumchisi Kilian Mbappe egalladi. Ularning har biri 180 million yevroga baholangan.

Umuman olganda, La Liganing eng qimmat 10 ta futbolchisidan 5 nafari “Real Madrid”, 4 nafari “Barselona” va 1 nafari “Atletiko Madrid” klublariga tegishli.

Transfermarkt talqini bo‘yicha La Liganing eng qimmat 10 futbolchisi:

1. Lamin Yamal (“Barselona”) — 200 million yevro;
2. Jud Bellingem (“Real Madrid”) — 180 million yevro;
3. Kilian Mbappe (“Real Madrid”) — 180 million yevro;
4. Vinisius Junior (“Real Madrid”) — 150 million yevro;
5. Pedri (“Barselona”) — 140 million yevro;
6. Federiko Valverde (“Real Madrid”) — 130 million yevro;
7. Xulian Alvares (“Atletiko Madrid”) — 100 million yevro;
8. Rafinya (“Barselona”) — 90 million yevro;
9. Pau Kubarsi (“Barselona”) — 80 million yevro;
10. Rodrigo Goes (“Real Madrid”) — 80 million yevro.