“Krokus Siti Xoll”dagi teraktni amalga oshirgan to‘rt nafar shaxs aybini tan oldi

Moskva viloyatining Krasnogorsk shahrida joylashgan “Krokus Siti Xoll” konsert zalida sodir etilgan va 149 nafar insonning hayotiga zomin bo‘lgan teraktning to‘rt nafar to‘g‘ridan-to‘g‘ri ijrochisi o‘z aybini to‘liq tan oldi va qilgan ishidan afsusda ekanini bildirdi.

Bu haqda 127 nafar jabrlanuvchi tomonidan vakillik qiluvchi advokat Lyudmila Ayvar 4 avgust kuni rossiya davlat OAVga ma’lum qildi.

«Ayblov xulosasi o‘qib eshittirilgandan so‘ng, teraktning barcha to‘g‘ridan-to‘g‘ri ishtirokchilari o‘z aybini to‘liq tan oldi va qilgan ishidan pushaymon ekanliklarini bildirishdi», — dedi Ayvar.

Bu jinoyat bo‘yicha sud jarayonlari davom etmoqda.