Rossiya prezidenti Vladimir Putin yaqin kelajakda xorijiy safarlarni rejalashtirmayapti, dedi uning matbuot kotibi Dmitriy Peskov «TASS»ga.
«Yo‘q, u yaqin kelajakda buni rejalashtirmaydi», dedi u tegishli savolga javob berib.
Kreml vakilining so‘zlariga ko‘ra, keyingi xorijiy safar aynan qachon amalga oshirilishi haqida hozircha ma’lumot yo‘q.
Yoz boshida Rossiya prezidentining xalqaro masalalar bo‘yicha yordamchisi Yuriy Ushakov Rossiya rahbarining Turkiyaga tashrifiga tayyorgarlik haqida ma’lum qilgan edi, biroq Peskov sentyabr oyi boshida aytganidek, uning aniq sanalari hali aniqlanmagan.
