Kongo DR terma jamoasi AQShda muxlislarsiz qolishi mumkin: O‘zbekistonning raqibi og‘ir vaziyatda

2026 yilgi futbol bo‘yicha Jahon chempionati boshlanishi arafasida Kongo Demokratik Respublikasi (Kongo DR) milliy terma jamoasi va uning muxlislari kutilmagan va jiddiy zarbaga uchradi.

Mamlakatda avj olgan Ebola epidemiyasi nafaqat sog‘liqni saqlash tizimini, balki mamlakatning tarixiy sport bayramini ham xavf ostiga qo‘ydi.

Kongo DR rasmiy rasmiylari mamlakatda Ebola virusi tufayli yuzaga kelgan vaziyat o‘ta kritik darajaga yetganini ma’lum qildi. So‘nggi ma’lumotlarga ko‘ra, epidemiya allaqachon 130 kishining hayotiga zomin bo‘lgan. Shu sababli fuqarolar va sportchilar xavfsizligini ta’minlash maqsadida, milliy terma jamoaning poytaxt Kinshasa shahrida rejalashtirilgan Jahon chempionati oldidan so‘nggi o‘quv-mashg‘ulot yig‘ini rasman bekor qilindi.

Yangi qoidalarga ko‘ra, so‘nggi uch hafta (21 kun) ichida Kongo DR hududida bo‘lgan har qanday fuqaroning AQShga kirishi taqiqlandi, bu esa terma jamoani muxlislarsiz qoldirishi mumkin.

Eslatib o‘tamiz, Fabio Kannavaro qo‘l ostidagi O‘zbekiston terma jamoasi 28 iyun kuni Kongo DR terma jamoasi bilan ro‘baro‘ keladi.