Kolumbiyaning “Milyonarios” futbol klubi yoshlar jamoasi yarim himoyachisi Santyago Kastrilyon 18 yoshida vafot etdi. Bu haqda klub matbuot xizmati xabar berdi.
21 mart kuni Kastrilyon milliy yoshlar turniri doirasidagi o‘yin vaqtida hushini yo‘qotgan.
“Unga jamoa shifokorlari tomonidan zudlik bilan yordam ko‘rsatildi va tez yordam mashinasida shifoxonaga yetkazildi. U yerda kardiologlar intensiv terapiya bo‘limida uni davolashdi. Shifokorlarning sa’y-harakatlariga qaramay, Santyago o‘ziga kelmadi va yakshanba kuni oilasi, jamoadoshlari hamda do‘stlari oldida vafot etdi. Santyago shunchaki futbol o‘ynamasdi, u futbol bilan yashar va uni his qilar edi. U bu quvonchni tabassum bilan baham ko‘rardi, endilikda u qalbimizda mangu muhrlanib qoladi. Oilasi va yaqinlariga chuqur hamdardlik bildiramiz”, - deyiladi klub bayonotida.
Kastrilyon “Milyonarios”ning asosiy jamoasida maydonga tushmagan bo‘lsa-da, bir necha bor o‘yin qaydnomasiga kiritilgan.
Erling Xoland o‘ziga yangi jamoa tanladi
Husanovning finaldagi o‘yini qanday baholandi?
"U — haqiqiy jangchi" — Britaniya OAVlari Husanovning "Real"ga qarshi o‘yinini olqishlamoqda
