Keyn Ronaldu va Xolandning rekordini yangiladi

"Bavariya" hujumchisi Xarri Keyn yana bir to‘purarlik rekordini yangiladi.

32 yoshli futbolchi myunxenliklar safidagi 104-o‘yinida 100-golini urdi. Yevropaning beshta yetakchi chempionatining hech bir futbolchisi 21-asr boshidan beri yangi klubida bunday tezkor ravishda bunday natijaga erisha olmagan, deb yozadi Bayern & Germany. Bugungi kunga qadar rekord Krishtianu Ronaldu va Erling Xolandnga tegishli edi - ular Madridning "Real" va "Manchester Siti" klublari safida mos ravishda 105 o‘yinda 100 ta gol urgan.

Joriy mavsumda Xarri Keyn barcha musobaqalarda 8 ta o‘yinda 15 ta gol urdi. Angliyalik hujumchi o‘nta gol bilan Bundesliga to‘purarlar poygasida yaqqol peshqadamlik qilmoqda.