Kannavaroning O‘zbekiston terma jamoasidagi debyuti Urugvayga qarshi bo‘ladimi?

Italiyalik insayder Nikolo Skira Fabio Kannavaroning O‘zbekiston milliy terma jamoasida ish boshlashi haqida xabar tarqatdi.

Fabio Kannavaro O‘zbekiston Futbol Federasiyasi bilan faol muzokaralar olib bormoqda va u 2026 yilgi Jahon Chempionatiga tayyorgarlik doirasida milliy jamoa bosh murabbiyligiga tayinlanishi mumkin. Uning murabbiylar shtabida yordamchi sifatida Chicho Troize, jismoniy tayyorgarlik bo‘yicha esa Eugenio Albarella ishlashi rejalashtirilmoqda. Kannavaro uchun ilk sinov 13 oktyabr kuni Urugvayga qarshi o‘yin bo‘lishi ehtimol qilinmoqda.